Interessant om te sien dat politici oraloor maar dieselfde gedragsafwykinge openbaar-maak helse lawaai om gehoor te word , se eintlik bitter min iets wesentliks en stem uit beginsel net anders as die ander party – de duiwel daarmee oor wat die beste besluit vir selfs hulle lande se toekoms sou wees.

Om nou skielik uit die EU te klim kan lande erg skade berokken, maar ongeag dit propageer opposisie  vir die vale vir ‘n “NEE” stem.

‘n Goeie beginsel bly altyd om nie negatief oor iets te wees as jou negatiwiteit nie vir jou of jou kiesers enige voordeel inhou nie-dalk iets om ook op Oudtshoorn te onthou!

‘n Ander ooreenkoms met ons eie kabinet en politici is die geweldige persoonlike luukshede en wereldse plesier wat die mense hulself toeeien en belatingbetalers se geld daarvoor vermors.Luukse hotelle,daaglikse eersteklas vlugte,motors,etes en wat ookal meer word as deel van die pakket aanvaar.

Wat my dronkslaan is die mate waartoe kiesers die goed maar gelate aanvaar-menende hoe de duiwel kan bv. Cosatu met sy missie kapitalistiese vergryp toelaat.Desondanks doen sy leiers dieselfde as die gehate kapitaliste. Dit se veel vir die intelligensie van hulle lede-hulle lawaai en skreeu in dieselfde koor maar word weereens net deur hulle leiers misbruik om persoonlike agendas en toekoms te verseker.

Ek persoonlik is “fed-up” vir politici  en sal graag wil sien dat elke mens, hoe slim,dom of arm ookal vir homself ‘n opinie oor alles vorm.Dit gee hom darem dan die persoonlike rykdom van onafhanklikheid en versterk enige mens se selfbeeld-wat kan jou nou meer boost as om te kan weet en vertel dat jy nie saam met Obama,Bush,Zuma of selfs Dorflingh stem nie.

Wat is dan die rede dat Suid-Afrikaners van alle rasse, kleure en geure hierdie uitsonderlike eienskap van negatiewe dwarstrekkery in so oordadige hoeveelhede produseer?

Kom dit vanuit ons bloed, vanuit ons geskiedenis van baklei en stry om elkeen ons plekkie onder die son te kry,vanuit apartheid ,is dit die weer,ons opvoeding of is dit ‘n verskoning om as alternatief eerder aan te hou stry as om te werk?-ons almal, nie net politici, is skuldig daaraan.

Lekker om die ou wat iets probeer doen te kritiseer.Die entrepeneur sal 10 planne beraam waarvan 1-2 flops is – daaraan word hy lewenslank herrinner maar hy het darem 8 suksesse gehad-veel beter as die siel wat nooit niks produseer of doen nie en derhalwe ook geen foute maak nie-laat mens dink!

Dalk moet ons almal besluit ons doen almal elke dag iets positief eerder as ander te kritiseer-dalk steek die positiwiteit dan diegene om ons aan.

Die huidige raadshere het een ding tot hulle krediet-hulle het hulself ten minste beskikbaar gestel-of die rede vir persoonlike voordeel en salaris , om politieke redes en motivering of vir diens aan die gemeenskap as belangrikste motief is ,weet ek nie maar as mense net gedurig van die wal af kritiseer sonder om self te doen en te help,beteken hulle in elk geval reeds dalk self minder as vrot raadslede .Hoe praat die Ingelse “put your money where your mouth is”.OF HOE?

EK HET NOG NOOIT ENIGE POLITIKUS GESIEN WAT POSITIEF OP KRITIEK REAGEER NIE-KOM ONS KYK WAT GEBEUR AS ONS HULLE NIE KRITISEER NIE EN WYS HOE DINGE GEDOEN MOET WORD.